Абай облысында сотталғандар арасында «Ұлттық спорт түрлері күні» өтті

Наурыз мейрамын тойлаудың жаңа тұжырымдамасына сәйкес, 20 наурыз бұл «Ұлттық спорт түрлері күні».
Абай облысы бойынша қылмыстық-атқару жүйесі департаменті №19 мекемесінде, сотталғандар арасында ұлттық спорт түрлерінен «арқан тарту», «асық ату», «қол күресі» бойынша жарыстар өткізілді.
Жарысқа барлығы 30 сотталған қатысып, олардың ең мықтылары мақтау қағаздарымен және сыйлықтармен марапатталды.
«Бұл жарысты өткізу сотталғандарға теледидардан тамашалайтын жалпы ұлттық мерекенің атмосферасына енуге мүмкіндік берді», — дейді мекеме бастығының орынбасары Айдын Қалелов.