Көзі көрмейтін мүгедек азаматтар қатаң тәртіптегі мекемеге концерттік бағдарламамен барды

ШҚО-да көзі көрмейтін мүгедек азаматтар қатаң тәртіптегі мекемеге концерттік бағдарламамен барып қайтты. Ұзақ мерзімге сотталған тұлғаларға бала күнінен көзі көрмейтін зағиптар өз тағдырларымен бөлісіп, қиыншылыққа мойымай, тәртіптерін өзгертіп, тағдырларының өзгеруі өз қолдарында екенін айтты. Зағип жандар өмірдің қызығын көздерімен тамашалай алмаса да , табиғатты көре алмаса да, олармен калай таныса алатынын сотталғандарға түсіндіріп , арнайы кітәптарын көрсетті. Бағдарлама соңында өздерінің дайындап келген концерттік кешін өткізді. «Шығыс Қазақстан облысының зағиптар мен көзі нашар көретін азаматтардың арнаулы кітапханасы» коммуналдық мекемесінің қызметкерлеріне алғысымыз шексіз. Осындай іс — шаралар сотталғандардың түзу жолға түсіп, тәртіптерін өзгертуге аса маңызды ықпал етеді. Алдағы уақытта мекемедегі сотталғандарға тәрбиелік іс — шаралар жалғасатын болады, — деді мекеме бастығы әділет майоры Ермек Айтмукашев.