Семей қаласындағы қауіпсіздігі аралас №19 түзеу мекемесінің жеке құрамы ҚАЖ ардагерлерін мерейлі 70 жасқа толған туған күндерімен құттықтады.
Калелов Сатыбалды мен Жармағамбетов Серік №19 мекемеде 25 жылдан астам уақыт қызмет атқарып, абыройлы зейнеткерлікке шыққан, жандары таза, жұмыстары ширақ, есті сөз және еселі еңбекті ғана көрсете білген, білікті мамандар еді. Қазіргі уақытта еңбектерінің жемісін көріп, зейнеткерлікте жүрген ардақты азаматтар, өздерін ұмытпай құттықтауға келген, мекеме қызметкерлерін ықыласпен қарсы алды.
«Өз қызметтерін абыроймен атқарған, өздерінен кіші жас мамандарға барынша жетекшілік етіп, мекеме мәртебесін көтеру үшін адал қызмет атқарған бұл жандар біздің есімізде әрқашан сақталмақшы», — дейді мекеме бастығының орынбасары Айдын Калелов.
