Ағымдағы жылдың 31 қаңтарында ҚР Мемлекеттік қызмет істері агенттігінің Алматы қаласы бойынша департаментінің Әдеп жөніндегі кеңестің 2024 жылдың алғашқы көшпелі отырысы өткізілді.
Көшпелі отырыс Алматы қаласы Әділет департаментінің ғимаратында өтті.
Күн тәртібіне сәйкес, Кеңестің отырысында 2023 жылдың қортындысы бойынша Алматы қаласының мемлекеттік органдардың тәртіптік және әкімшілік тәжірибесіне жүргізілген талдау қорытындылары талқыланды.
Алматы қаласының жалпы мемлекеттік қызметшілер санынан 785-і немесе 20% тәртіптік жауапкершілікке тартылғандығы анықталды. Негізінен мемлекеттік қызметшілер тәртіптік жауапкершілікке лауазымдық міндеттерін тиісінше орындамағаны үшін тартылған.
Әкімшілік тәжірбиесіне жүргізілген талдау қорытындысы рұқсат беру мемлекеттік қызметтерін көрсету мерзімдері мен тәртібін бұзғаны үшін 76 әкімшілік хаттама толтырылғанын көрсетті. Бұзушылықтар басшылық тарапынан да, орындаушылық құрам тарапынан да жасалғандығы анықталды.
Әдеп жөніндегі кеңес мүшелерімен мемлекеттік органдарға бұзушылықтардың алдын алуға бағытталған нақты тиісті ұсыныстар әзірленді.
Сондай-ақ, Кеңесте қызметтік әдеп нормаларын ұстанбау фактісі бойынша тәртіптік іс қарастырылды. Оның нәтижесінде Кеңес мүшелері мемлекеттік қызметшілердің қызметтік әдеп стандартын бұзғаны үшін «ескерту» түріндегі тәртіптік жаза қолдануды ұсынды.
ҚР Мемлекеттік қызмет істері агенттігінің Алматы қаласы бойынша департаментінің бас маманы – Л.Н. Науқанбай
