Қызылорда облысы бойынша Қылмыстық-атқару жүйесі департаментінің 37 мекемесінің жеке құрамы ҚАЖ саласының ардагерлері Шәдібек Ақпанбетов және Мұхтар Садықовпен кездесті.
Кездесу барысында жеке құрам мен сала зейнеткерлері арасында қызметкерлерді әлеуметтік қолдауды нығайту қызметін ұйымдастыруды жақсарту мәселелері бойынша қабылданып жатқан шаралар туралы түсіндірме жұмыстары жүргізілді.
Жиында ұзақ жылдар бойы ҚАЖ саласында қызмет атқарған ардагерлер қызметтің қыр-сырымен, тәжірибелерімен бөлісіп, еңбек жолындағы қызықты оқиғалармен, өткен қиындықтарды атап айтты.
Олар жас қызметкерлерді өз елінің патриоты болуға, қызметті адал атқарып, жұмысқа жауапкершілікпен қарауға шақырды.
«Қазіргі таңда ішкі істер органдарының ардагерлерін полиция қызметіне араласуға,кеңес,бағыт -бағдар алу,жас қызметкерлерді қолдау жұмыстарына аса көңіл бөлінуде.Саналы ғұмырын осы салаға арнаған әрбір ардагердің жас буынға берер тәлімі мол.Алдағы уақытты ардагерлермен кездесу жұмыстарын жиі өткізетін боламыз», — деді мекеме бастығының орынбасары әділет майоры Қанат Дайрабаев.
