Қарағанды облысындағы Костенко шахтасындағы апатқа байланысты 9 лауазымды тұлға күдікті ретінде танылып, қамауға алынған, — деп хабарлайды Massaget.kz тілшісі.
Бұл туралы Бас прокуратура хабарлады.
«Салдарынан 46 кенші қаза тапқан Костенко атындағы шахтадағы жарылыстарды тергеу аяқталуда. Шахтаның 9 лауазымды адамы күдікті ретінде танылып, қамауға алынды. Мемлекет активтерін 100 млрд теңгеге жымқыру фактілеріне баға беріліп жатыр. 2023 жылдың қаңтарынан бастап азаптауды тергеу арнайы прокурорлардың айрықша тергеуіне жатқызылды», — делінген хабарламада.
«Жұмыс беруші кінәлі». Костенко шахтасында тергеу аяқталды
Еске салайық, бастапқыда Костенко шахтасында 7 адам қаза тапқаны белгілі болды.Артынша қаза тапқандар саны 46 адамға жетті. Сонымен қатар, ауруханада жатқан зардап шеккендердің жағдайы айтылды.
Президент Қасым-Жомарт Тоқаев қаралы жағдайдан кейін «АрселорМитталТеміртаумен» ынтымақтастықты тоқтатуды тапсырды.
