Ағымдағы жылдың 8, 9, 10- қараша күндері Ақтөбе облысы бойынша ҚАЖ Департаментінің жеке құрамы және Департаментке қарасты түзеу мекемелерінің жеке құрамы «Құмар ойындарына тәуелділіктің алдын алу» мақсатында ұйымдастырылған дәріске қатысты.
Дәрісті өткізген Ақтөбе облысының психикалық денсаулық орталығының психолог маманы Жанар Шынтемирова жеке құраммен өз тәжирібесінде болған жағдайлармен бөлісіп, ойынқұмарлықтың зардабы және алдын алу жолдары туралы айтып берді.
Лудомания тақырыбын талқылауға белсене қатысып, пайдалы ақпараттарға қаныққан ҚАЖ қызметкерлері өздерін толғандырған сауалдар қойып, толық жауап алды.
Дәріс соңында жеке құраммен «Арт терапия» әдісі бойынша жеке жұмыстар жүргізілді.
