Шығыс Қазақстан облысы бойынша қылмыстық атқару жүйесі Департаментінде қызмет атқарып жүрген пробация қызметінің қызметкері жанұясымен «Мерейлі отбасы» Ұлттық конкурсының жеңімпаздары атанды.
Әр жыл сайын өткізіліп отырған бұл конкурс бүгінде қоғамдағы жанұяларға үлгі болып келеді. Отбасының құндылығын көрсетіп, абыройын көтеріп, жастарымызға отбасы мен некенің маңыздылығын көрсетіп келеді.
Осындай үлгілі отбасылардың бірі Шығыс Қазақстан облысындағы Тарбағатай ауылының тұрғыны Әлімовтардың отбасы.
Отбасында 12 кыз бен ұл тәрбиелеп, олардан 28 немере, 19 шөбере сүйіп, шаттыққа бөленіп, берекелі бірлік пен татулықты биік еткен Әлімовтар отбасы облысқа танымал болды.
Осы әулеттің кіші қызы әділет капитаны Әлімова Аяжан Шығыс Қазақстан облысы бойынша ҚАЖ Департаментінің Өскемен қалалық пробация қызметінің аға инспекторы болып қызмет атқарады. 15 жылдан бері қызметін абыроймен атқарып келе жатқан Аяжан да өз отбасымен мақтанады. Ата анасынан жақсы тәрбие алып, өз өмірін Ішкі істер органдарына арнаған Аяжан бүгінде өзі екі ұл тәрбиелеп отыр.
Отбасы дәстүрлерін берік ұстанып, қадірлей біліу, үлкенге құрмет, кішіге ізет көрсету, отағасын сыйлап, балаларымызға жақсы тәрбие беріп, болашаққа жол ашу өз қолымызда , — дейді әділет капитаны Аяжан Әлімова.
Байқаудың алғашқы кезеңінен өткен Әлімовтар отбасын бүгінде облыс әкімі құттықтап, диплом, бағалы сыйлықтар табыстады.
Алдағы уакытта облыстық кезеңге жол тартқан Әлімовтар отбасына сәттілік тілейміз.
