ҚР Ақпарат және қоғамдық даму министрлігі Дін істері комитетінің Алматы облысындағы жобасы аясында діни экстремизм мен радикализмнің алдын алу жөніндегі республикалық ақпараттық-түсіндіру тобы өз жұмысын бастады.
Профилактикалық жұмыстың міндеттерінің қатарында халықтың дінтану сауаттылығын арттыруға, қоғамда дәстүрлі рухани-адамгершілік құндылықтарды қалыптастыруға, дін саласындағы мемлекеттік саясатты және халықтың қалың жігі арасында зайырлы мемлекеттің негіздерін түсіндіруге ерекше көңіл бөлінеді.
Тартылатын мамандардың қатарында теология және дінтану мәселелерінде елдің ғылыми-сараптамалық қоғамдастығын білдіретін көптеген танымал және беделді тұлғалар бар, олар: Діни экстремизмге қарсы іс-қимыл орталығының директоры Тимур Нүсіпханов, белгілі исламтанушы, PhD доктор Алау Әділбаев, дінтанушы Руслан Сәрсембаев, Философия, саясаттану және дінтану институтының Дінтану орталығы директорының орынбасары Алмасбек Шағырбай және практик-маман Алматы қаласы кеңес беру және оңалту орталығының теологі Нұржан Қалиев.
ҚР Ақпарат және қоғамдық даму министрлігі бекіткен жоспар шеңберінде 15-19 мамыр аралығында халықтың әртүрлі санаттарын қамтитын 20-ға жуық профилактикалық іс-шаралар ұйымдастырылатын болады.
Айта кету керек, Алматы облысында осы бағыт бойынша профилактикалық жұмыс жергілікті атқарушы органдардың желісі бойынша да тұрақты түрде жүргізілуде.