Қазақстан халықтарының бірлігі күні елімізде жыл сайын тойлатанытын мерекелердің бірі.
«Береке бастауы бірлік, ел іші тату тірлік» қағидасын берік ұстанған еліміз үшін бұл мерекенің орны ерекше. Осы айтулы мереке қарсаңында Атырау облысы бойынша ҚАЖД #15 мекемесінде «Достығымыз жарасқан» атты мәдени мерекелік іс -шара өткізілді.
Шараға жаза өтеушілер арасынан орыс, қазақ, өзбек, әзербайжан және түрік ұлт өкілдері қатысты. Шара 3 бөлімнен тұрды. Алғашқы бөлімде қатысушылар өз-өздерін таныстыра, екінші бөлімде өз өнерлерін ортаға салып, әр-түрлі тілде әндер шырқап, жүректен шыққан өлеңдер оқылды. Соңғы бөлімде қолдарынан бал тамған қатысушылар өз ұлттарының ұлттық тағамдарын әділ қазылар алқасына ұсынды. Шара соңында жүлделі орындар анықталып, алғыс хаттармен марапатталды.
