«Қазгидромет» РМК синоптиктері бүгін, 26 сәуірде нөсер жаңбыр, жел мен шаңды дауылға байланысты бірқатар өңірде ескерту жасады, — деп хабарлайды Tengrinews.kz тілшісі.
Синоптиктердің болжамынша, Жетісу облысының солтүстігінде, шығысында, орталығында солтүстік-шығыстан жел соғады, екпіні 15-20, кей уақыттарда 23-28 м/с. Түнде облыстың солтүстігінде, таулы аудандарда 2-7 градус үсік күтіледі.
Батыс Қазақстан облысының батысында, солтүстігінде, оңтүстігінде, күндіз облыстың шығысында найзағай күтіледі. Жел оңтүстік-шығыстан оңтүстік-батысқа ауысып соғады, күші 9-14, түнде облыстың орталығында, оңтүстігінде, шығысында екпіні 15-20 м/с.
Атырау облысының оңтүстігінде кей уақыттарда қатты жаңбыр күтіледі. Облыстың басым бөлігінде найзағай. Түнде облыстың шығысында шаңды дауыл. Оңтүстік-шығыстан солтүстікке ауысып жел соғады, түнде облыстың шығысында, оңтүстігінде екпіні 15-20, кей уақыттарда 23 м/с.
Түркістан облысының солтүстігінде шаңды дауыл күтіледі. Шығыстан, солтүстік-шығыстан жел соғады, облыстың солтүстігінде, батысында, таулы және тау бөктерлі аудандарында күші 15-20, екпіні 23-28 м/с.
Шымкентте 26 сәуірде шығыстан, солтүстік-шығыстан жел соғады, екпіні 15-20, күндіз кей уақытта 23 м/с.
Ақтөбе облысында оңтүстік-шығыстан жел соғады, түнде облыстың оңтүстігінде, батысында, күндіз оңтүстігінде, шығысында, орталығында екпіні 15-20 м/с күтіледі.
Маңғыстау облысының басым бөлігінде найзағай күтіледі. Облыстың солтүстік-шығысында шаңды дауыл күтіледі. Оңтүстік-шығыстан солтүстік-батысқа ауыспалы жел соғады, облыстың солтүстік-шығысында 15-20 м/с күтіледі.
Қызылорда облысында жел шығыстан соғады, күші түнде облыстың орталығында, шығысында 15-20 м/с, күндіз облыстың басым бөлігінде 15-20, облыстың орталығында, шығысында екпіні 25 м/с, шаңды дауыл сақталады.
Павлодар облысының солтүстігінде, батысында солтүстік-батыстан жел соғады, екпіні 15-20 м/с күтіледі.
Солтүстік Қазақстан облысының солтүстігінде, шығысында, оңтүстігінде оңтүстік-батыстан, батыстан жел соғады, екпіні 15-20 м/с күтіледі.
