Алматы қаласы Жастар саясаты басқармасы және Жетісу ауданы әкімдігінің қолдауымен, «Human Resources Kazkhstan» жеке мекемесінің ұйымдастыруымен 2025 жылғы 5 мамыр күні 7 мамыр отан қорғаушылар күніне орай Алматы қаласы Жетісу ауданы аумағындағы №177 жалпы білім беретін мектепте Жетісу ауданының демалыс орталықтары арасында «Бес қару» атты әскери-патриоттық сайыс өтті. Сайысқа 14–16 жас аралығындағы балалардан құралған командалар қатысты.
Іс-шараның негізгі мақсаты – жас ұрпақтың бойында отансүйгіштік қасиетті қалыптастыру, әскери-қолданбалы дағдыларды дамыту және шұғыл жағдайда әрекет ету қабілеттерін шыңдау болды.
Сайыс барысында қатысушылар келесі бағыттар бойынша бақ сынады:
- автомат (макет) шашып-жинау;
- автомат оқтарын жинау;
- алғашқы медициналық көмек көрсету;
- газтұмылдырық киіп жүгіру;
- түрлі кедергілер жолағынан өту;
- турникке тартылу.
Сайыс нәтижесінде:
- 1-орынды – «Алаш 1» командасы;
- 2-орынды – «Алаш 2» командасы;
- 3-орынды – «Көкжиек сити» командасы иеленді.
Жеңімпаздар мен жүлдегерлер грамота, медаль, кубок, статуэтка және бағалы сыйлықтармен марапатталды.
Бұл іс-шара жасөспірімдердің физикалық дайындығын арттырып қана қоймай, оларды ұйымшылдыққа, тәртіпке, батылдық пен жауапкершілікке баулыды. Осындай әскери-патриоттық сайыстар жас ұрпақтың бойында елге деген сүйіспеншілік пен азаматтық борыш сезімін қалыптастыруда маңызды рөл атқарады.
