«Қазгидромет» 6 қыркүйекте Қазақстанның өңірлерінде қандай ауа райы болатынын айтты, — деп хабарлайды Tengrinews.kz тілшісі.
Астанада аспан бұлттанып, жаңбыр жауып, түнде және таңертең тұман болады. Жел батыстан секундына 5-10 метр. Ауа температурасы түнде 5-7, күндіз 14-16 жылы болады.
Алматыда бұлтты, жауын-шашын болмайды. Жел секундына 0-5 метр. Ауа температурасы түнде 11-13, күндіз 23-25 жылы.
Шымкентте аспан ашық, жауын-шашын болмайды. Жел солтүстік-шығыстан секундына 5-10 метр. Ауа температурасы түнде 11-13, күндіз 27-29 жылы болады.
