Үкіметте елдің 2026-2028 жылдарға арналған әлеуметтік-экономикалық даму болжамы қаралды, — деп хабарлайды Massaget.kz тілшісі.
Негізгі макроэкономикалық индикаторлар туралы премьер-министрдің орынбасары — ұлттық экономика министрі Серік Жұманғарин баяндады. Негізгі көрсеткіш: 2026 жылы инфляция 10 пайызға жетуі мүмкін.
Серік Жұманғариннің айтуынша, 2026 жылы ЖІӨ-нің нақты өсімі 5,4%, ал үш жылдағы орташа жылдық қарқын 5,3% болады.
«Республикалық бюджеттің кірісі 2026 жылы 19,2 трлн теңгеге, 2028 жылы 23,2 трлн теңгеге жетеді деп болжанып отыр», — деді ол.
Шенеуніктің сөзінше, ұлттық қордан кепілдендірілген трансферт жыл сайын 2, 77 млрд теңге мөлшерінде айқындалған.
Еске салайық, бұған дейін Қазақстанда инфляция бойынша болжамдар қайта қаралды.
