Бүгін, 1 қыркүйек – Білім күніне орай Алматы және Жетісу облыстары бойынша Қылмыстық-атқару жүйесі мекемелерінде жаңа оқу жылының басталуына арналған салтанатты іс-шаралар өтті.
Биыл өңірдегі ҚАЖ мекемелерінде 185-ке жуық сотталған білім алушы оқуын жалғастырып, жаңа оқу жылын бастады.
Салтанатты жиындар барысында білім алушыларға жаңа оқу жылына сәттілік тілектері айтылып, білімнің адам өміріндегі маңызы атап өтілді.
Қылмыстық-атқару жүйесінде сотталғандардың білім алуына ерекше мән беріледі. Білім беру – оларды қайта әлеуметтендірудің маңызды бағыттарының бірі. Мекемелерде сотталғандарға жалпы орта білім алумен қатар, кәсіптік білім алып, еңбек нарығында сұранысқа ие мамандықтарды меңгеруге жағдай жасалған.
Білім алушылар қатарында кәмелетке толмаған қыздар да бар. Алматы және Жетісу облыстары бойынша ҚАЖ департаментіне қарасты №10 мекеме – Қазақстандағы қылмыстық-атқару жүйесінде кәмелетке толмаған қыздар жазасын өтейтін жалғыз мекеме.
Мұнда кәмелетке толмағандардың оқуын жалғастыруына қажетті жағдайлар жасалған. Оқу процесі олардың білім алуымен қатар, жауапкершілік пен тәртіпті қалыптастыруға, болашаққа деген саналы көзқарасын дамытуға бағытталған.
Кәмелетке толмағандардың білім алуы – олардың алдағы өмірге бейімделуінің маңызды құрамдас бөлігі. Осы бағытта мекеме қызметкерлері педагогтермен және басқа да мамандармен бірлесіп, білім алушылардың оқу процесіне тұрақты қатысуына жағдай жасайды.
ҚАЖ мекемелеріндегі білім беру жұмысының негізгі мақсаты – сотталғандардың уақытын тиімді пайдалануына жағдай жасау, білім деңгейін арттыру және бостандыққа шыққаннан кейін қоғамға бейімделуіне қажетті дағдыларды қалыптастыру.
Сонымен қатар кәсіптік білім мен еңбек дағдыларын меңгеру сотталғандардың заңды еңбекпен айналысуына, өз мүмкіндіктерін жүзеге асыруына және қоғамға қайта бейімделуіне ықпал етеді.
Білім алу – адамның болашағын қалыптастыруға мүмкіндік беретін маңызды құралдардың бірі. Сондықтан ҚАЖ мекемелерінде сотталғандардың білім алуына және жаңа дағдыларды меңгеруіне жағдай жасау жұмыстары тұрақты түрде жүргізіледі.
Бүгінгі Білім күніне арналған іс-шаралар барысында білім алушыларға жаңа оқу жылында табыс, табандылық және жақсы нәтижелер тілінді.
Жаңа оқу жылы білім алушылар үшін жаңа білім мен жаңа мүмкіндіктердің бастауы болсын!
