Алматының бірнеше шағынауданының тұрғындары жоспарлы профилактикалық жұмыстарға байланысты бір күн сусыз қалады, — деп хабарлайды Massaget.kz тілшісі.
«Алматы Су» ақпаратына сүйенсек, сумен жабдықтау нысандарындағы технологиялық жабдықтарды ауыстыруға байланысты 10 шілде сағат 09:00-ден 18:00-ге дейін суды өшіру жоспарланып отыр.
Тұрғын үйлерде, әкімшілік ғимараттарда, Саин көшесі — әл-Фараби даңғылы — Үлкен Алматы өзені — Рысқұлбеков көшесі аумағындағы денсаулық сақтау және білім беру нысандарында да суық су болмайды:
- Орбита-1, 2 және 3 шағынаудандары;
- № 4 емхана;
- Навои көшесіндегі №15, №20, №25а, №25б, №39 балабақшалар;
- «Байтал», «Шолпан Сити», «Төле би Тау», «Шахристан», «Сезім», «Верный» тұрғын үй кешендері, Науаи көшесіндегі тұрғын үйлер мен әкімшілік ғимараттар, осы көшелердегі жеке үйлер.
Қосымша ақпаратты 274-66-66 телефоны арқылы алуға болады.
