Қашанда үлкенді сыйлау, қарияны құрметтеу дәстүрі – қазақ халқының ата салты екені белгілі. Елімізде қарт адамдарға деген ықылас жыл сайын артып, мемлекет тарапынан оларға көрсетілетін көмектің көлемі де ұлғайып келеді.
Әрбір азаматтың қартайған кезіндегі өмірін лайықты ету – мемлекетіміздің әлеуметтік саясатының басты бағыттарының бірі.
Осының айқын дәлелі ретінде, Алматы облысы және Жетісу облысы бойынша ҚАЖД қарасты №49 мекемесінің жеке құрамы аға ұрпақ өкілдеріне, ата-әжелерімізге құрмет пен алғысымызды білдіре отырып, ерен еңбек сіңірген жандарға тағзым етіп, ауылымыздын ең улкен әжелеріне сый-сыяпат жасап, ас беріп алғыстарын білдірді.
