№72 мекемесі Орталық тәрбиеленушілерін мерекелерімен құттықтады

Алматы қаласы бойынша ҚАЖ Департаменті №72 мекемесінің басшылығы «Қиын өмірлік жағдайдағы балаларды қолдау орталығы» КММ балаларын шуақты мереке: «Халықаралық балаларды қорғау күні» мерекесімен құттықтады. Салтанатты шара балаларды құттықтау, мерекелік көңіл-күй, отбасылық жайлылық пен жылулық сыйлау мақсатында ұйымдастырылды. Шара барысында Орталықтың тәрбиеленушілері вокал, би, аспаптық нөмірлер мен театрландырылған көріністер көрсетті. Балаларды қорғау күні – барлық балалар үшін жарқын және қуанышты мереке, сонымен қатар бұл күн қоғамға баланың құқықтарын қорғау, оларды өз елінің лайықты азаматтары ретінде қорғау және тәрбиелеу қажеттілігін еске салады. Салтанатты шара соңында балаларға дастархан жайылып, естелік сыйлықтар мен ойыншықтар тарту етілді.