Семей қаласындағы №21 мекемеде «Тазару күні» республикалық акциясы аясында экологиялық сенбілік ұйымдастырылып, өткізілді. Іс-шараның негізгі мақсаты — мекеме аумағында тазалық пен тәртіпті сақтау, сондай-ақ сотталғандар арасында қоршаған ортаға жауапкершілікпен қарау мәдениетін қалыптастыру болды.
Акция барысында сотталғандар мекеменің іргелес аумағын және ішкі учаскелерін тазалау жұмыстарына белсенді түрде қатысты. Аулалар, шаруашылық аймақтары, серуендеу алаңдары тазартылып, қоқыс пен жапырақтарды жинау, аумақты абаттандыру жұмыстары жүргізілді.
Мұндай іс-шаралар мекеменің санитарлық жағдайын жақсартумен қатар, тәрбиелік процеске де оң әсерін тигізеді. Қоғамдық пайдалы еңбекке қатысу тәртіптілік, жауапкершілік және еңбекке құрмет сияқты қасиеттерді қалыптастырып, сотталғандарды қайта әлеуметтендірудің маңызды бөлігі болып табылады.
Мекеме әкімшілігі қатысушылардың белсенділігін атап өтіп, осындай акцияларды тұрақты түрде өткізудің маңыздылығын ерекше айтты. «Тазару күні» таза әрі қолайлы орта қалыптастыруға және экологиялық мәдениетті нығайтуға бағытталған тағы бір маңызды қадам болды.
