Абай облысы бойынша Қылмыстық-атқару жүйесі департаментіне қарасты №20 мекемеде Қазақстан Республикасы Президентінің Жолдауларын іске асыру аясында сотталғандарды еңбекпен қамту және олардың қайта әлеуметтендірілуі мәселелеріне арналған жұмыс кеңесі өтті.
Іс-шараға Абай облысы бойынша ҚАЖ департаментінің сотталғандардың еңбегін ұйымдастыру тобының бас маманы Арнур Омаров, №20 мекеме бастығының орынбасары Серік Жангасканов, Абай облысы бойынша Семей қаласының кәсіпкерлік бөлімі басшысының орынбасары Теміржан Окпенов, сондай-ақ қала кәсіпкерлері қауымдастығының өкілдері қатысты.
Кеңес барысында сотталғандарды еңбекпен қамту деңгейін арттыру, мекеменің өндірістік аумағындағы ғимараттарды жөндеу және жаңғырту, шағын және орта бизнес субъектілерін тарту арқылы жаңа жұмыс орындарын құру, сондай-ақ өндірістерді орналастыру мәселелері бойынша мемлекеттік органдар мен жеке инвесторлармен өзара іс-қимылды дамыту мәселелері қаралды.
— Сотталғандарды еңбекпен қамту — жазаны орындаудың маңызды элементі ғана емес, сонымен қатар олардың қайта әлеуметтенуінің тиімді құралы. Жұмыс орындарын құру, өндірістік базаны дамыту және кәсіпкерлермен ынтымақтастық сотталғандарға сұранысқа ие кәсіби дағдыларды меңгеруге және босатылғаннан кейін қоғамға табысты бейімделу мүмкіндігін арттыруға жол ашады, — деп атап өтті Абай облысы бойынша ҚАЖ департаментіне қарасты №20 мекеменің сотталғандардың еңбегін ұйымдастыру бөлімінің бастығы Куанышбек Туканов.
Кездесу қорытындысы бойынша қатысушылар алдағы жұмыстың басым бағыттарын айқындап, өндірістік қызметті кеңейтуге және сотталғандарды еңбекпен қамтудың тиімділігін арттыруға бағытталған нақты ұсыныстар әзірледі.
