«Таза Қазақстан» акциясы аясында №20 мекеме қызметкерлері аумақты абаттандыру және тазалау мақсатында сенбілік өткізді. Іс-шараға мекеме қызметкерлерімен қатар еріктілер де белсене қатысты. Бірлескен күш-жігермен қоқыс жиналып, тротуарлар тазаланды, ағаштар мен бұталар ретке келтірілді.
Іс-шараның басты мақсаты — қоғам назарын экология мәселелеріне аудару және қоршаған ортаға ұқыпты қарау мәдениетін қалыптастыру. Мекеме басшылығы мұндай бастамалардың маңыздылығын атап өтіп, тазалық пен тәртіп әр адамнан басталатынын жеткізді.
Мұндай акциялар алдағы уақытта да жалғасын табады, өйткені қоршаған ортаның тазалығына қосқан үлес — бүкіл қоғамның денсаулығы мен әл-ауқатына қосқан үлес болып табылады,- деп бөлісті мекеме бастығының орынбасары Серік Жангасканов.
