Атырау облысы бойынша Қылмыстық-атқару жүйесі департаменті №15 мекемесінде жаза
өтеуші сотталғандардың қолдарымен жасалған бұйымдарын жеке кәсіпкерлердің назарына ұсыну арқылы, мекемеде жасалатын қолөнер бұйымдарынан көрме ұйымдастырылды.
Көрмеге мекемеде жаза өтеуші сотталғандарды ақылы жұмыспен қамтып отырған «Аменов», «Табынбаев» жеке кәсіпкерлері өкілдері арнайы келіп танысты.
Көрмеге арнайы жергілікті атқарушы органдар және облыстағы басқа да жеке кәсіпкерлер
қатысты. Көрменің негізгі мақсаты облысымыздағы түзеу мекемесінде жазасын өтеуші сотталғандарға қосымша жұмыс орындарын ашу, жеке кәсіпкерлердің шығарып жатқан
өнімдерін насихаттап, тұтынушылардың назарына ұсыну болды.
Мекеменің мұндай іс -шара өткізу мақсаты өндірістік аймақтағы үй жайларға шағын және орта бизнес өкілдерін тарта отырып, еңбекке жарамды сотталғандарды жұмыспен қамту болатын.
