Әзербайжан президенті Ильхам Әлиев қазанда Қазақстанға мемлекеттік сапармен келуі мүмкін. Бұл туралы Президенттің кеңесшісі — баспасөз хатшысы Руслан Желдібай мәлімдеді, — деп хабарлайды Massaget.kz тілшісі.
Мемлекеттер басшылары бұл мәселені жуырда телефон арқылы сөйлескен кезде талқылаған.
«Қазір сапардың нақты мерзімі мен мазмұны келісіліп жатыр. Былтыр Президент Қасым-Жомарт Тоқаев Әзербайжанға мемлекеттік сапармен барған еді. Президенттер өзара байланыстарымызды стратегиялық серіктестік деңгейіне көтеріп, екі елдің одақтастық қатынастарын нығайтқан маңызды құжаттарға қол қойды», — деп жазды Руслан Желдібай.
