Бүгінгі жаңару күнінде республика аумағында игілікті істер атқарылып жатыр. ҚР Қорғаныс саласының өкілдері де айтулы күнге ерекше атсалысып отыр.
Бұл – табиғат қайта түлеп, тіршілік оянатын күн. Жаңару күні ел өміріндегі жаңа кезеңнің басталуын білдіреді. Əскери қызметшілер де алдарына жаңа мақсаттар қойып, қызметтік міндеттерді жетілдіру мен бөлімшенің жұмысын жақсарту бағытында оң шешімдер қабылдайды. Жаңару күні еліміздің барша азаматтарын, оның ішінде əскери ұжымдарды ортақ мақсатқа жету жолында бірігуге, ынтымақтасуға шақырады. Гарнизондарда сенбіліктер ұйымдастырылып, жаппай ағаш егіліп жатыр. Мəселен, Шымкенттегі 35748 əскери бөлімнің əскери қызметшілері «Жаңару күнінде» өңір жасыл желекке айналсын деп жас талдар екті. Бұл күндері жаңа идеялар мен құндылықтар арқылы командалық рух нығайып, əскери ұжымдардағы бірлік пен ынтымақ беки түседі дейді сала өкілдері.
Ж.ҚҰДАЙБЕРГЕН
