Қазіргі кезеңдегі жаһандық трансформациялар аясында әділеттілікке негізделген, институционалдық тұрғыдан орнықты және ашық қоғам құру мәселесі стратегиялық мәнге ие болып отыр. Осы үдерісте Біріккен Ұлттар Ұйымы айқындаған Тұрақты даму мақсаттарының 16-бағыты – бейбітшілік, әділеттілік және тиімді институттарды дамыту – ерекше назар аударуды талап етеді. Аталған мақсаттарды іске асыруда жоғары білім беру жүйесінің орны айрықша, себебі дәл осы ортада болашақ құқықтанушылар мен басқару саласының мамандарының кәсіби әрі құндылықтық негізі қалыптасады.
Нархоз университеті аясындағы Құқық және мемлекеттік басқару мектебі осы міндеттерді жүзеге асыруға бағытталған іргелі білім беру алаңы ретінде танылып отыр. Мұнда білім беру үдерісі тек академиялық мазмұнмен шектелмей, құқықтық сананы дамытуға, әлеуметтік жауапкершілікті нығайтуға және әділеттілік қағидаттарын терең пайымдауға бағдарланған.
ТДМ 16 шеңберінде құқық үстемдігін нығайту және сот төрелігіне тең қолжетімділікті қамтамасыз ету басым бағыттардың бірі болып табылады. Осыған сәйкес, білім беру мазмұнында құқықтық нормаларды механикалық игеруден гөрі, оларды нақты жағдайларда қолдану дағдыларын қалыптастыруға ерекше көңіл бөлінеді. Практикалық модельдеу, ситуациялық талдау, пікірталас алаңдары білім алушылардың дербес ойлауын дамытып, күрделі құқықтық мәселелерді шешуге қабілетін арттырады.
Сонымен қатар, адалдық қағидаттарына негізделген құқықтық мәдениетті қалыптастыру жүйелі сипатқа ие. Әртүрлі академиялық және тәжірибелік іс-шаралар арқылы ашықтық, әділдік және жауапкершілік ұғымдарының мазмұны терең түсіндіріледі. Бұл тәсіл болашақ мамандардың кәсіби мінез-құлқын айқындайтын этикалық негіздерді орнықтыруға ықпал етеді.
Мемлекеттік басқару бағыты бойынша да кешенді дайындық жүзеге асырылады. Білім алушылар басқару тетіктерінің құрылымдық ерекшеліктерін, мемлекеттік қызметтің қағидаттарын және қоғаммен тиімді өзара әрекеттесу құралдарын меңгереді. Нәтижесінде, басқарушылық шешімдерді жауапкершілікпен қабылдай алатын және қоғамдық мүддеге бағдарланған кадрлар қалыптасады.
Оқу үдерісінде теориялық білім мен практикалық тәжірибенің өзара байланысына басымдық беріледі. Түрлі мемлекеттік және құқықтық институттарда тәжірибеден өту білім алушыларға кәсіби ортаға бейімделуге мүмкіндік береді. Сонымен бірге, адам құқықтарын қорғау мәселелері кешенді түрде қарастырылып, халықаралық және ұлттық құқықтық тетіктерді салыстырмалы тұрғыда зерделеу жүзеге асырылады.
Қоғамдағы құқықтық мәдениетті арттыру міндеті де назардан тыс қалмайды. Осы мақсатта ағартушылық сипаттағы іс-шаралар жүйелі түрде ұйымдастырылып, құқықтық білімді кеңінен таратуға жағдай жасалады.
Аталған білім беру орталығы ТДМ 16 қағидаттарын іске асыруда маңызды институционалдық рөл атқарады. Мұнда қалыптасатын кәсіби білім мен құндылықтар жүйесі әділетті қоғамды нығайтуға, құқық үстемдігін орнықтыруға және тиімді мемлекеттік басқару модельдерін дамытуға қызмет етеді.
Э.С. Куандыкова, Нархоз Университетінің Құқық және мемлекеттік басқару мектебінің PhD докторы
