Ақтөбе облысы бойынша ҚАЖ Департаментіне қарасты Әйтеке би аудандық пробация қызметі аудандық жұмыспен қамту орталығының мамандарымен бірлесіп, пробация есебінде тұрған сотталғандарды жұмыспен қамту мәселелері бойынша дөңгелек үстел өткізді.
Басқосуда қолданыстағы заңнамаларға сәйкес сотталғандарды жұмыспен қамтудың белсенді шараларына қатысуы және олардың жұмыспен қамтылуы туралы есептер тыңдалды.
Аталған іс- шара бұған дейін жасалған меморандум шеңберінде ҚР ҰКП «Атамекен» Ақтөбе облысының Әйтеке би аудандық филиалының ғимаратында жалғасын тауып, аталған филиалдың директоры Е.Р.Бозбетов сотталғандарға кәсіпті дамыту, олардың кәсіпке деген қызығушылығын ояту, осы бағытта білім беру, сонымен қатар өз кәсібін ашуларына көмектесу, әлеуметтік бейімделулеріне әсер етуіне негізделінген іс-шараларды арттыру туралы кеңінен әңгімелеп берді.
Гүлфайруз Төремұратова,
Ақтөбе облысы бойынша ҚАЖ Департаментінің баспасөз хатшысы
