Алматы облысы және Жетісу облысы бойынша ҚАЖД қарасты №10 мекемесінде жазасын өтеп жатқан сотталған әйелдер арасында, шахмат және тоғыз құмалақ ойындарын оқыту үйірмесін ашу жобасы бастау алды.
Сотталған әйелдердің интеллектуалды дамуын арттыру және бос уақыттарын пайдалы өткізу мақсатында, мекеме ішіндегі спорт секциясында шахмат пен тоғыз құмалақтан екі айлық курс үйірмесі басталды.
Үйірме сабағына әр жасақтан, жоғарыда аталған спорт ойындарынан хабары жоқ, жаңадан үйренуді бастайтын әйелдер қатысады.
Екі айлық курс сабағының соңында, қатысушылар арасында конкурстық негізде турнир өткізіліп, нәтижесі анықталады.
Бұл спорттық үйірме сабақтарын, алдағы уақытта тұрақты түрде өткізіп тұру жоспарлануда. Мұндай үйірмелердің болуы сотталған әйелдердің оқшауланған мекемеде өзін — өзі дамытуын арттыруға көмектесетініне сенімдіміз.
