2026 жылғы 5 шілдеде Абай облысы бойынша Қылмыстық-атқару жүйесі департаментіне қарасты №21 ең төменгі қауіпсіздік мекемесінде Ұлттық домбыра күніне арналған мәдени іс-шара өтті.
Мерекелік іс-шара аясында домбырада ойнау өнерін меңгерген екі сотталған айтыс жанрында өз өнерлерін көрсетті. Қатысушылар домбыраның сүйемелдеуімен суырыпсалма айтыс орындап, қазақ халқының бай мәдениеті мен ұлттық дәстүрлерін, сондай-ақ орындаушылық шеберліктерін паш етті.
Іс-шара жылы әрі шығармашылық атмосферада өтіп, қатысушылардың ерекше қызығушылығын тудырды. Осындай мәдени-ағартушылық іс-шаралар ұлттық мұраны сақтауға және дәріптеуге, сотталғандардың шығармашылық әлеуетін дамытуға, сондай-ақ олардың рухани-адамгершілік тәрбиесіне оң ықпал етеді.
Мұндай іс-шараларды өткізу мекемедегі тәрбиелік жұмыстың маңызды бағыты болып табылады және ұлттық құндылықтарға құрметті қалыптастыруға, патриоттық сезімді нығайтуға әрі сотталғандардың қоғамға қайта бейімделуіне ықпал етеді.
