Қазақстан Республикасы Мемлекеттік қызмет істері агенттігінің Алматы қаласы бойынша департаменті қызметінің басым бағыттарының бірі мемлекеттік қызмет көрсету сапасын бағалауды және мемлекеттік бақылауды жүзеге асыру болып табылады.
Жоғарыдағы көрсетілген міндетті орындау мақсатында азамат Н. (бұдан әрі -Мемлекеттік қызмет алушы) түскен шағымы негізінде, «Медициналық және фармацевтикалық бақылау комитетінің Алматы қаласы бойынша Департаментінен» (бұдан әрі – көрсетілетін қызметті беруші) медициналық қызметті көрсетуге лицензия беруден негізсіз бас тарту туралы мәліметтер сұратылды.
Берілген ақпарат бойынша, Басқармамен мемлекеттік қызмет көрсету тәртібіне қатысты қолданыстағы заңнама талаптарын бұзғаны үшін көрсетілетін қызметті берушіге мемлекеттік қызмет көрсету тәртібін бұзған тұлғаларды тәртіптік жауапкершілікке тарту туралы ұсыным енгізілді.
Қазіргі уақытта Қазақстан Республикасы Агенттігінің Алматы қаласы бойынша департаментінің араласуынан кейін көрсетілетін қызметті алушыларға 04.07.2025 жылы медициналық қызметпен айналысуға лицензия беріліп, құқықтары толық көлемде қалпына келтірілді.
Төреқан Г.Б.
ҚР Мемлекеттік қызмет істері агенттігінің
Алматы қаласы бойынша департаментінің Мемлекеттік қызметтер көрсету басқармасының
бас маманы
