Қонаев қаласындағы Алматы облыстық орталық әмбебап кітапханасында «РУХАНИЯТТЫҢ ЖАНАШЫРЫ – КІТАП» атты рухани-танымдық іс-шара өтті. Мәдениет пен әдебиет саласының өкілдері, Алматы облысының ақын-жазушылары мен зиялы қауым өкілдері қатысқан шара кітаптың қоғамдағы рөлі мен рухани құндылығын насихаттауға, жас ұрпақтың кітапқа деген сүйіспеншілігін арттыруға бағытталған.
Кітап – адамзат ақыл-ойының қазынасы, өркениеттің алтын діңгегі. Ол – ұрпақтан-ұрпаққа мирас болған рухани байлық, өнегенің, тәрбиенің, білімнің бастауы. Кітапты қадірлеу – тарихты құрметтеу, өткенге тағзым жасау, болашаққа жол сілтеу. Ұлттық кітап күні мерекесіне орай «Руханияттың жанашыры – кітап» рухани-танымдық іс-шара Алматы облыстық орталық әмбебап кітапханасының бастамасымен жоғары деңгейде аталып өтілуде.
Мерекелік жиынға 200-ге жуық қонақ, 11 аудан кітапханалары, оқырмандары оның ішінде қоғам қайраткерлері, зиялы қауым өкілдері, Алматы облысының ақын-жазушылары қатысты. Кештің басты мақсаты – Ұлттық кітап күні – рухани байлықтың бастауы, мәңгілік мұраның мәйегі саналатын кітапқа тағзым етілетін ерекше мереке. Осы орайда ұйымдастырылып отырған мерекелік шараның басты мақсаты – кітаптың қоғамдағы маңызын ұлықтап, рухани құндылықтарды дәріптеу, ұлттық сана мен зердені жаңғырту.
