Қарттар күніне орай Абай облысы бойынша ҚАЖ әйелдер колониясының қызметкерлері Жаңғызтөбе ауылдық округінің әкімдігімен бірлесіп, ауылдың аға буын өкілдеріне құрмет көрсетті.
Мерекелік шараға 50-ден астам қарт тұрғын қатысып, балабақша тәрбиеленушілері мен мектеп оқушыларының ән-билерін тамашалады.
Сонымен қатар, ҚАЖ қызметкерлері бірқатар қарт тұрғындардың үйлеріне арнайы барып, мерекемен құттықтап, сый-сияпат табыстады.
Аға буын өкілдеріне зор денсаулық, ұзақ ғұмыр, отбасылық амандық пен бақ-береке тілектері білдірілді.
Қарттарға құрмет – халқымыздың асыл дәстүрі!
