Абай облысында қауіпсіздігі ең төмен мекемесінің қызметкерлері жеке құрам арасында командалық рухты нығайтуға және корпоративтік мәдениетті дамытуға бағытталған спорттық тимбилдинг ұйымдастырды. Жиырмадан астам қызметкер қатысқан іс-шара белсенді демалыс форматында өтіп, қызметкерлерді бейресми ортада біріктіріп, өзара іс-қимыл мен түсіністікті жақсартуға ықпал етті.
Бағдарлама әртүрлі спорттық эстафеталар, командалық челлендждер мен жарыс тапсырмаларын қамтыды. Қатысушылар тек физикалық дайындықтарын ғана емес, сондай-ақ командада жұмыс істеу, жылдам шешім қабылдау және қиын жағдайда әріптестерін қолдау қабілеттерін көрсетті. Корпоративтік «олимпиада» форматы әркімге өз мықты тұстарын танытып, команданың ортақ нәтижесіне үлес қосуға мүмкіндік берді.
Мекеме басшылығы мұндай бастамалардың маңыздылығын атап өтті.
Спорттық тимбилдинг – ұжымды дамытудың тиімді құралы. Ол қызметкерлер арасындағы сенімді нығайтып, коммуникацияны жақсартады және бірлесіп жұмыс істеу дағдыларын қалыптастырады. Мұндай іс-шаралар, әсіресе, іс-қимылдың үйлесімділігі мен өзара қолдау күнделікті қызметте маңызды рөл атқаратын қызметтер үшін аса қажет. Өйткені мықты команда – қойылған міндеттерді табысты орындаудың негізі, – деп атап өтті мекеме бастығының орынбасары Рустем Берлібеков.
Жарыс қорытындысы бойынша командалар естелік дипломдармен марапатталып, қатысушылар сергектік, жағымды эмоциялар мен алдағы жұмысқа қосымша ынта алды
