Абай облысында қауіпсіздігі аралас мекеме қызметкерлері сотталғандардың салауатты өмір салтын ұстануына ықпал ету және олардың оңалту процесін қолдау мақсатында спорттық іс-шара ұйымдастырды. Іс-шара барысында сотталғандар арасында бірнеше спорт түрінен жарыстар өткізілді. Оған барлығы 65 сотталған қатысып, қол күрес, футбол, арқан тартыс, гір көтеру және турникке тартылу секілді спорт түрлерінен өзара күш сынасты. Бұл жарыстар сотталғандардың физикалық дайындығын арттырып қана қоймай, командалық рух пен тәртіпті нығайтуға септігін тигізді.
Мұндай іс-шаралар сотталғандардың бос уақытын тиімді өткізуіне мүмкіндік береді және оларды қоғамға қайта бейімдеу процесінің маңызды бір бөлігі болып табылады-дейді мекеме бастығының орынбасары Айдын Калелов
Іс-шараға белсенді қатысқан сотталғандар ынталандыру сыйлықтарымен марапатталды. Жеңімпаздарға мақтау қағаздары мен шағын сыйлықтар табысталып, олардың спортқа деген қызығушылығын арттыру көзделді.
Жоспарға сәйкес, алдағы уақытта да спорттық және мәдени іс-шаралар тұрақты түрде өткізіліп тұрмақ.
