Қылмыстық-атқару жүйесі департаментіне қарасты 79 түзеу мекемесінің бастығы өзінің адал қызмет атқарып жүрген қызметкерінің отбасына ерекше құрмет көрсетті. Ол денсаулығына байланысты үйінде ем қабылдап жатқан қызметкердің анасына арнайы барып, алғыс хат табыстады.
Мекеме қызметкері бірнеше жылдан бері өз ісіне адал, жауапты, тәртіпті маман ретінде танылып келеді. Оның мемлекеттік қызметке деген жанашырлығы мен кәсіби шеберлігі басшылық тарапынан жоғары бағаланды. Сол еңбектің өтеуі ретінде мекеме бастығы анасына алғыс білдіріп, шаңырағына барып жылы лебізін жеткізді.
Алғыс хатта анасының тәрбиесі мен қызының қызметтегі табандылығы ерекше аталып өтті.
«Сіз тәрбиелеген қызыңыз қоғам алдындағы абыройлы міндетін адал атқарып жүр. Осы жолда оның еңбегіне жоғары баға береміз. Сізге зор денсаулық, отбасыңызға амандық тілейміз», – делінген алғыс хатта.
Мұндай қамқорлық пен ілтипат қызметкерлерге рухани серпіліс беріп, олардың отбасына деген құрметтің үлгісін көрсетеді. Бұл – қылмыстық-атқару жүйесіндегі адамгершілік қағидаттардың нақты көрінісі.
