Әйелдер арасындағы 2025 жылғы Уимблдон турнирі аяқталды. Tengri Sport қазақстандық теннисшілер Елена Рыбакина мен Юлия Путинцева бұл турнирден қанша табыс тапқанын жариялады, — деп хабарлайды Massaget.kz тілшісі.
The Sun басылымының мәліметінше, турнирдің жалпы жүлде қоры шамамен 72,6 миллион доллар (37 миллиард 320 миллион теңге -еск.) болған.
Турнирді бірінші айналымда аяқтаған Юлия Путинцева 90 мың доллар, теңгеге шаққанда 47 миллион теңге табыс тапты.
Ал үшінші айналымға шыққан спортшыларға 206 мың доллардан, теңгеге шаққанда 107 миллион теңге берілді. Бұл сомаға 1/16 финалда жеңілген Елена Рыбакина да ие болды.
Айта кетейік, 2025 жылғы Уимблдон турнирінің жеңімпазы — Ига Швентек. Польша өкілі финалда америкалық Аманда Анисимованы ойсырата жеңіп (6:0, 6:0), шамамен 4 миллион доллар ұтып алды.
Әлемнің бірінші ракеткасы, Беларусь өкілі Арина Соболенко жартылай финалдағы матч кезінде қарсыласының әрекетіне шағымданды.
Сондай-ақ, қазақстандық теннисші Амир Омарханов Уимблдон жартылай финалында жеңілгенімен, өзінің жеке рекордын орнатты.
