Осыдан ондаған жыл бұрын пайдалануға берілген кәріздік тазарту нысандары кейінгі жылдардағы ең ауқымды жаңғыртудан өтеді. «Энергетикалық және коммуналдық секторларды жаңғырту» ұлттық жобасы аясында елімізде жалпы құны 800 миллиард теңгеден асатын 45 кәріздік тазарту құрылысын салу мен қайта жаңарту жобасы іске асырылуда.
Бүгінде елдегі мұндай нысандардың тозу деңгейі орта есеппен 65%-дан асады, ал кейбірінің қолданыста жүргеніне жарты ғасырдан асқан. Оларды жаңарту жұмыстары басталып та кетті: бес жоба толық аяқталса, Атырау, Қызылорда және Қаражал қалаларындағы тағы үш нысанды 2026 жылдың соңына дейін пайдалануға беру жоспарланған.
Бұл жобаларды іске асыру сарқынды суларды ағызу жүйесінің тиімділігін арттырып, суды тазарту сапасын жақсартады әрі өңірлердегі экологиялық жүктемені азайтуға мүмкіндік береді.
