Қазақстандағы алғашқы АЭС-ке үздік атау беру байқауы 25 қыркүйекте басталады, — деп хабарлайды Massaget.kz тілшісі.
Атом энергиясы жөніндегі агенттікте елдегі алғашқы атом электр станциясына үздік атау беру жөніндегі жалпыұлттық байқау өткізу комиссиясының алғашқы отырысы өтті.
Отырыс барысында комиссия мүшелері ұйымдастыру мәселелерін қарастырып, жалпыұлттық байқау өткізу ережелерін бекітті:
- 25 қыркүйек — конкурстың басталуы туралы ресми хабарландыру;
- 25 қыркүйектен 10 қазанға дейін — eGov Mobile қосымшасы арқылы ұсыныстарды қабылдау;
- 11-20 қазан аралығы — ұсыныстарды талдау;
- қазанның аяғына дейін АЭС-тің үздік атауын анықтау.
Еске салайық, бұған дейін Қасым-Жомарт Тоқаев Үлкендегі АЭС-ке атау беру бойынша байқау жариялауды ұсынды.
