Әл-Фараби атындағы Қазақ ұлттық университеті (ҚазҰУ) білім мен ғылым саласында тек ұлттық деңгейде ғана емес, халықаралық деңгейде де маңызды бастамалар көтеріп келеді. Университеттің түрлі факультеттері мен орталықтары әлемдік даму трендтеріне сәйкес көптеген жобаларды іске асыруда. Әл-Фараби атындағы ҚазҰУ Заң факультеті қылмыстық құқық, қылмыстық іс жүргізу және криминалистика кафедрасы ТДМ 11 тақырыбын білім алушылармен талқылау жұмыстарын жасады.ТДМ 11 әлемнің барлық қалалары мен елді мекендерінің тұрақтылығы мен қауіпсіздігін арттыруды көздейді. Бұл мақсатқа қол жеткізу үшін қалалардың экологиялық таза, ресурстарды тиімді пайдаланатын және әлеуметтік аспектілерді ескеретін түрлері құрылуы керек. Экологиялық мәселелерді шешу және тұрақты қалалар құру жолындағы маңызды қадамдардың бірі – қала ауасының сапасын жақсарту. ҚазҰУ студенттері мен мамандары қала ауасын тазарту, көгалдандыру және қоршаған ортаға зиянды әсерлерді азайту бойынша ғылыми шешімдер ұсынды. Қатысушылар қала жолдарының жаңартылуы, велосипед жолдарының құрылысы, қоғамдық көліктің экологиялық таза түрлерін енгізу және қаланың жасыл аймақтарын ұлғайту мәселелерін көтерді. Қалаларда әлеуметтік тұрақтылықты қамтамасыз ету мәселесі де назардан тыс қалмады.Білім алушылар әлеуметтік теңсіздікті жою, қалалардағы инфрақұрылымның барлық топтарға қолжетімді болуын қамтамасыз ету, тұрғын үй мен білім беру салаларын дамыту туралы өз пікірлерін білдірді. Сонымен қатар, жастардың жұмыспен қамтылуы және тұрғындардың әлеуметтік қорғауы да сөз болды.
11-мақсатқа жету үшін елімізде қалаларды экологиялық таза, қауіпсіз, қолжетімді және баршаға қолайлы өмір сүру ортасына айналдыруды көздеп отыр. Жоспар аясында қала инфрақұрылымын жақсарту, көлік жүйесін жетілдіру, қалдықтарды басқару, энергияны үнемдеу, тарихи мұраларды сақтау және климаттық өзгерістерге төзімділікті арттыру қарастырылған.Әл-Фараби атындағы заң факультетінің оқытушылары мен студенттері осы мақсатқа жету жолында өз үлесін қосуда.Алматы қаласында өтетін сенбіліктерге,қатты тұрмыстық қайда өңдеу үшін де жұмыстарға белсене араласуда. Бүгінгі таңда әлем халқының 55%-дан астамы қалаларда өмір сүреді, ал 2050 жылға қарай бұл көрсеткіш 70%-ға дейін өсуі мүмкін. Урбанизацияның артуы бір жағынан экономикалық даму әкелсе, екінші жағынан әлеуметтік және экологиялық проблемаларды шиеленістіріп отыр.
Кафедарамызда өткен ТДМ 11 мақсаттары аясындағы талқылау Алматының, сонымен қатар еліміздің басқа да қалаларының тұрақты даму жолындағы маңызды қадамдарын анықтауға мүмкіндік берді. Қатысушылар қалалардың экологиялық, әлеуметтік және экономикалық тұрақтылығын қамтамасыз ету жолдары туралы өз пікірлерін білдіріп, нақты шешімдер мен ұсыныстар айтылды. ҚазҰУ болашақта да ТДМ мақсаттарын жүзеге асыруға үлес қосып, жастарды қоғамның тұрақты дамуына жауапкершілікпен қарауға тәрбиелейді.
Темірболат Нұрайша
Әл-Фараби атындағы
ҚазҰУ Заң факультеті қылмыстық құқық, қылмыстық
іс жүргізу және криминалистика кафедрасының аға оқытушысы
