Алматы облысының тұрғыны 1957 жылы туған. Науқас Қарасай клиникалық көп бейінді орталық аудандық ауруханасына жоспарлы түрде портал арқылы келген. Ер адамға сол жақ жамбас буынына 2023 жылы өзге клиникалардың бірінде жасалған тотальді эндопротездеуден кейін, орнынан тайған сол жақ ортан жіліктің жоғарғы бөлігінің жабық перипротездік сынығы диагнозы қойылды. Бұған қоса, бұрын орнатылған эндопротездің ортан жілік компонентінің тұрақсыздығы анықталды.
Қарасай аудандық ауруханасында алғаш рет осындай күрделі ревизиялық операция жасалды: бұрын орнатылған эндопротез алынып тасталып, қайта протездеуге арналған жаңа ревизиялық эндопротез орнатылды. Мұндай араласулар жоғары технологиялық медициналық көмек түріне жатады және хирургтардың жоғары біліктілігін, арнайы жабдықты қажет етеді.
Айта кетерлігі, отадан кейінгі келесі күні-ақ науқас жүріп-тұруға арналған құрылғының (ходунок) көмегімен өздігінен қозғала алды. Бұл хирургиялық және оңалту жұмыстарының дұрыс жүргізілгенін көрсетеді.
Ем мен операция Міндетті әлеуметтік медициналық сақтандыру (МӘМС) қоры есебінен жүргізілді. Бұл отаның жалпы құны — 2 328 438 теңге.
Науқас жағдайы қанағаттанарлық деп бағаланып, денсаулығы жақсарған күйде ауруханадан шығарылды. Оған әрі қарай қалпына келу мен бақылауға алу бойынша ұсыныстар берілді.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
