Ұлттық құрылтай қоғамдағы өзекті мәселелерді талқылап, ел дамуының маңызды бағыттарын айқындайтын тиімді қоғамдық алаңға айналды. Құрылтай отырыстарында көтерілетін мәселелердің қатарында құқықтық мемлекет қалыптастыру, заң үстемдігін нығайту және сот жүйесін жетілдіру тақырыптары да ерекше орын алады.
Сот жүйесі – азаматтардың құқықтары мен бостандықтарын қорғаудың басты кепілі. Сондықтан соттардың ашықтығы, әділдігі мен қолжетімділігі мемлекет дамуының маңызды көрсеткіштерінің бірі саналады. Соңғы жылдары елімізде сот жүйесін жаңғыртуға бағытталған бірқатар реформалар жүзеге асырылып келеді. Судьялардың жауапкершілігін арттыру, цифрлық технологияларды енгізу, сот процестерінің ашықтығын қамтамасыз ету сияқты бастамалар қоғам сенімін күшейтуге бағытталған.
Ұлттық құрылтай алаңында құқықтық мәдениетті арттыру, азаматтардың заңға деген құрметін қалыптастыру және әділеттілік қағидаттарын нығайту мәселелері жиі көтеріледі. Бұл ұсыныстар сот жүйесін жетілдіру жөніндегі мемлекеттік саясатпен үндесіп жатыр. Өйткені заң үстемдігі орныққан қоғамда ғана тұрақты даму мен қоғамдық келісімге қол жеткізуге болады.
Бүгінде сот процестерінің онлайн форматта өткізілуі, электронды сервистердің дамуы және сот актілерінің қолжетімді болуы азаматтардың сот төрелігіне қол жеткізу мүмкіндігін кеңейтті. Бұл өзгерістер уақытты үнемдеуге, ашықтықты арттыруға және құқық қорғау тетіктерінің тиімділігін күшейтуге мүмкіндік беріп отыр.
Құрылтайда айтылған бастамалар мен ұсыныстар сот жүйесін одан әрі жетілдіруге, азаматтардың құқықтарын қорғауды күшейтуге және қоғамдағы әділеттілік қағидаттарын нығайтуға қызмет етеді. Мемлекет пен қоғамның бірлескен жұмысы нәтижесінде заң үстемдігі берік орнығып, халықтың сот жүйесіне деген сенімі арта түседі.
Әділетті Қазақстан құру жолында Ұлттық құрылтай мен сот жүйесінің тиімді өзара байланысы маңызды рөл атқарады. Бұл бағыттағы жұмыстар құқықтық мәдениеті жоғары, заңға құрметпен қарайтын және әділдік қағидаттарын берік ұстанатын қоғам қалыптастыруға негіз болады.
К.М. Мекемтас, Астана қаласының қылмыстық істер жөніндегі ауданаралық сотының төрағасы
