2025 жылғы маусымда қосымша демалыс күні бар. 6 маусымда (жұма) Құрбан айт мерекесіне байланысты демалыс болады, — деп хабарлайды Massaget.kz тілшісі.
Бұл туралы Еңбек және халықты әлеуметтік қорғау министрлігі мәлімдеді.
«Қазақстан мұсылмандары діни басқармасының мәліметіне сәйкес 2025 жылы Құрбан айт мерекесі 6 маусымға сәйкес келеді. Осылайша 6 маусым (жұма) демалыс күні болып есептеледі», – деді министрлік өкілдері.
Сондай-ақ, министрлік 2025 жылғы маусымда басқа демалыс күндерін ауыстыру жоспарланбағанын нақтылады.
Құрбан айт
Маусымда Қазақстанда мұсылмандардың маңызды мерекелерінің бірі Құрбан айт атап өтіледі. Биыл Құрбан айттың бірінші күні 6 маусымға сәйкес келеді. Сондықтан қазақстандықтар үш күн қатарынан демалады:
- Аптасына бес күн жұмыс істейтіндер үшін 6, 7, 8 маусым — демалыс күндері.
- Аптасына алты күн жұмыс істейтіндер үшін: 6 маусым — демалыс, 7 маусым — жұмыс күні, 8 маусым — демалыс.
Құрбан айт қандай мереке?
Құрбан айт — мұсылмандардың ең қасиетті мерекесі. Ол ораза айттан кейін 70 күннен соң басталып, 3 күнге созылады. Бұл кезде әрбір мұсылман мүмкіндігі болса құрбан шалады, мал сояды.
Маусымда қанша күн демалыс бар?
Маусымда бес күн жұмыс істейтіндер үшін он күн демалыс бар, ал алты күн жұмыс істейтіндер үшін алты күн демалыс бар.
