Қызылорда облысының дін істер басқармасының «Дін мәселелерін зерттеу орталығы» КММ-нің теолог маманы Бақтияр Оспанов және психолог Қарлығаш Қойшыбаева №37 мекемесіндегі сотталған азаматтарға «Өзін- өзі басқару, сабырлы болу» тақырыбында дәріс оқыды.
Дәріс барысында теолог маман сотталғандарға адам пенде болған соң өмірінде әрқандай келеңсіздіктерге бой алдырып жататынын, мүмкіндігінше әр қиындықты байыппен, сабырмен жеңе білу керектігін айтты. «Сабырлы жетер мұратқа, Сабырсыз қалар ұятқа»-демекші ашуға да, қуанышқа да сабырлылық көрсету бұл адамдықтың үлкен белгісі Байыптылық таныта білсе, одан асқан рухани бай адам жоқ. Сондықтан қандай жағдай болса да сабырмен күту керек. Сол қиындықтарға мойымай сабырлық таныту — біздің ісіміз. Адам сабырлы болмайынша өзінің қатесін түсіне алмайды деді теолог маман.
«Бүгінгі теологпен кездесу барысында дәрісті тыңдай отыра асығыс қабылданған шешім өзім күткендей нәтиже бермейтінін білдім. Пенде болған соң сабырсыздық танытып, ойлағанымыздың тезірек орындалғанын қалаймыз. Өзіміз жасаған қателігімзді мойындағымыз келмейді, қатені басқа адамнан іздеп тұрамыз. Қандай жағдай болмасын адамға сабырлық қажет екендігін дәрістен ұғындым. Біз сияқты жаза басып, жаңылған азаматтарға дәрістің берері мол. Шараны ұйымдастарғын мекеме қызметкерлеріне алғысымыз шексіз»,-деді сотталған азамат.
Іс-шараның соңында жазасын өтеушілер аталған тақырып бойынша өздерін қызықтырып жүрген сұрақтар қойып, қойған сауалдарына толыққанды жауап алды.
Дана Достанова
Қызылорда облысы бойынша ҚАЖД
