Алматыда ғарышкер Талғат Мұсабаевты ақтық сапарға шығарып салу рәсімі өтіп жатыр, — деп хабарлайды Massaget.kz тілшісі.
Қоштасу рәсімі 09.00-де Алматыдағы офицерлер үйінде басталды.
Мұнда Талғат Мұсабаевтың туыстары, жақындары, әріптестері мен достары, сондай-ақ, мемлекет және қоғам қайраткерлері жиналған.
Осыдан кейін 28 гвардияшы-панфиловшылар атындағы саябақта митинг өтеді. Талғат Мұсабаев Кеңсай зиратына жерленеді.
Еске салайық, 2025 жылы 4 тамызда ғарышкер Талғат Мұсабаев өмірден өтті.
Талғат Амангелдіұлы Мұсабаев 1951 жылы 7 қаңтарда Алматы облысы Жамбыл ауданында дүниеге келген. Ол — кеңестік және қазақстандық ғарышкер, саяси қайраткер, Халық қаһарманы, техника ғылымдарының докторы (2008), авиация генерал-лейтенанты (2007). Талғат Мұсабаев Қазақстан Ұлттық ғарыш агенттiгінің төрағасы (2007-2016) және ҚР Парламенті Сенат депутаты (2017-2023) болды.
Фото: Tengrinews.kz
