Сотталғандар арасында спорттың екі түрінен сайыс өтті

Астана күніне орай Қызылорда облысы бойынша ҚАЖ департаментінің №37 мекемесінде сотталғандар арасында спорттың екі түрінен сайыс өткізілді. Сотталған азаматтар шағын футбол мен валейболдан өзара кім мықтыны анықтады. «Өткізілген іс- шара сотталғандардың көңіл-күйлерін көтеріп тастады. Спорт – денсаулық кепілі деген сөз тегін айтылмаса керек. Біріншіден мұндай сайыстар жазасын өтеушілерді спортпен шұғылдануға серпін берсе, екіншіден күнделікті бір сарынды өмірден көңілдерін басқа арнаға бұрып психологиялық күйзелістердің алдын алады деп түсінемін. Мекемеде мәдени және спорттық ісшаралар жиі өткізіледі», — дейді тәрбие бөлімінің бастығы әділет майоры Абдулла Уайдаев.