Алматы және Жетісу облыстарының ҚАЖД қарасты №10 мекемесінде «Астана – елімнің жүрегі» атты мерекелік іс-шара өткізілді.
Астана күніне орай ұйымдастырылған концерттік бағдарлама бас қаламыз Астананың құрылу тарихына шолу жасаудан басталды.
Сахна төрінде әрбір қазақстандықтың жүрегін тербер «Атамекен», «Здравствуй столица», «Астаная моя любовь» әндері шырқалып, жазасын өтеп жатқан әйелдер отанға деген сүйәспеншілігін өлеңмен жеткізді.
Іс-шара мекемеде орналасқан «Бишілер студиясының» қыздары орындаған ұлттық бимен жалғасын тапты.
Сондай-ақ көрермендер назарына еліміздің қазіргі заманауи астанасы көрінісінен виртуалды саяхат ұсынылып, әсем қаламыздың ең көрікті жерлері таныстырылды.
Концерттік бағдарлама соңында бүгінде астананың әнұранына айналған «Елімнің жүрегі — Астана» әні орындалды.
Сонымен қатар, алдағы мерекелік күндері спорттық ойындардан жарыстар және ақпараттық іс-шаралар ұйымдастырылуы жоспарланып отыр.
