Алматы облысында ҚАЖ мекемелеріндегі жағдайды сауықтырудың 2023-2025 жылдарға арналған Жол картасын іске асыру шеңберінде шағын және орта бизнесті тарту бойынша белсенді жұмыс жүргізілуде.
Осыған орай, Алматы қаласы, Алматы және Жетісу облыстары бойынша ҚАЖ департаментінің №12, 14, 49, 57 мекемелердегі сотталғандардың еңбегін ұйымдастыру жөніндегі мәселелерді қарастыру үшін бірлескен кеңес отырысы ұйымдастырылды.
Іс-шараға «Атамекен» палатасының, Алматы облысының кәсіпкерлік және индустриялық-инновациялық даму департаментінің, Қонаев қаласы мен Заречное ауылы әкімдігінің өкілдері, сондай-ақ прокуратура, «Еңбек-Жауғашты» республикалык мемлекеттік кәсіпорын филиал, Қонаев қаласының халықты жұмыспен қамту бөлімінің өкілдері қатысты.
Бірлескен отырыста, түзеу мекемелерінің аумағындағы шағын және орта бизнес мәселелері, бизнес үшін қолда бар жеңілдіктер, сондай-ақ мемлекеттік тапсырыстарды алу мәселелері талқыланды.
