Алматы облысы және Жетісу облысы қылмыстық-атқару жүйесі Департаментіне қарасты Сарқан аудандық пробация қызметінің есебінде тұрған сотталғандар арасында салауатты өмір салтын насихаттау жұмыстары қарқынды жүргізілуде.
Осыған орай, Сарқан ауданының ҚАЖ қызметкерлері «STREET WORKOUT» алаңында «Спорт есірткіге қарсы» атты спорттық іс шара өткізді.
Іс-шараға Сарқан аудандық пробация қызметі бөлімі және бұқаралық спорттық іс шараларды өткізу орталығы қызметкерлері, сонымен қатар әдіскер нұсқаушылармен пробация есебінде тұрған сотталғандар қатысты. Есірткіге қарсы шарада гір көтеру, армрестлинг (қол күрес) және кермеге тартылу спорт түрлерінен жарыс ұйымдастырылды.
Жеңіске жеткен сотталған спортшылар алғыс хаттармен және медальдармен марапатталды.
