Қызылорда облысы бойынша ҚАЖ департаментінің қалалық пробация қызметінің есебінде 600-ге жуық азамат пробация бақылауында тұрады. Олардың арасында сот жүктеген міндеттерді орындамай, жаза өтеуден жалтарып жүрген сотталғандар да кездеседі. Пробация инспекторларымен жүргізілген профилактикалық жұмыстардан нәтиже шығармаған сотталғандар сот қаулысымен түзеу мекемесіне жіберілуде.
Қалалық пробация қызметінің аға инспекторы әділет майоры Н.Баймурзаевтың айтуынша екі сотталғанның бірі ұрлық бабымен,екіншісі алаяқтық бабымен сот үкімімен сотты болып,пробация есебіне алынған.Тіркеуге алынған соң бір ай ғана келген азамат,одан кейін тіркеуге де келмей жаза өтеуден жалтарып жүреді.Қылмыстық құқықбұзушылық жасаған,әкімшілік хаттамалар толтырылған.Бірнеше рет жазадан жалтарған сотталғанды бас бостандығынан айыру жазасына пробация қызметімен сотқа ұсыныс жолданған.Ал екінші әйел азаматша да сот жүктеген міндеттерді орындамай, кешкі мезгілде ойын-сауық орындарына барады.Бірнеше рет ұсақ -түйек бұзақылық жасап, полиция қызметкерлерімен әкімшілік хаттама толтырылады.Жүргізілген профилактикалық жұмыстардан еш нәтиже шығармаған азаматша қатысты да пробация қызметкерлерімен сотқа ұсыныс жолданады.Сотта пробация қызметінің ұсынысы қанағаттандырылып, сот қаулысымен екі сотталғанның жазаларының өтелмеген бөлігі бас бостандығынан айыруға жазасына ауыстырылды.Сот қаулысы заңды күшіне еніп, екі сотталған түзеу мекемесіне жіберілді,- деді әділет майоры Нұрбол Баймурзаев.
Қызылорда облысы бойынша ҚАЖД
