Отан қорғаушылар күні қарсаңында Абай облысы бойынша ҚАЖ департаментінің жеке құрамы запастағы ҚАЖ ардагерлері әділет подполковнигі Сайлау Турдығазыұлы Ошақбаев пен әділет майоры Арсен Жармашұлы Жаспановты құттықтады. Қиын жұмысында олар инспектордан бастап пробация бөлімінің бастығына дейін әртүрлі лауазымдарды атқарды. ҚАЖ органдарында қызмет еткен уақытында бірнеше рет мінсіз қызметі үшін және қылмыстық-атқару жүйесінің дамуына қосқан үлесі үшін медальдармен марапатталды. Бай тәжірибелерін жеткізе отырып, олар жас қызметкерлерге үлгі болады.
«Ардагерлер ұйымы жас буын қызметкерлеріне білім, бағдар мен дағдыларды беруге, сондай-ақ жастарды патриоттық және рухани тәрбиелеу үшін қолдау қажет. Біз өз қызметтік борышын лайықты орындаған ардагерлерімізді мақтан тұтамыз» – деп қорытындылады Абай облысы бойынша ҚАЖД Семей қаласы Затон аудандық пробация қызметінің бастығы әділет майоры Эрик Усербаев.
