«Жас қыран» Мемлекеттік қызметші мектебінің қатысушыларына арнап Департамент қызметкерлерімен «Мемлекеттік қызметшілердің әдеп нормалары мен мінез-құлық қағидалары» атты тақырыпта семинар ұйымдастырылды.
Семинар барысында қатысушыларға қолданыстағы заңнаманың нормалары түсіндіріліп, Департаменттің құзіретін жүзеге асыру кезінде қолданылатын бизнес процесстерді практикада қолдану әдістері көрсетілді.
Естеріңізге салсақ, Мемлекеттік қызмет істері агенттігінің Алматы қаласы бойынша департаментімен Мемлекеттік басқару академиясы бірлесіп «Жас Қыран» жас мемлекеттік қызметшілер мектебінің жұмысын бастады.
Аталған жобаның мақсаты — мемлекеттік қызметке талантты жастарды тарту болып табылады.
Оқыту аясында жас таланттар жобалық басқарудың негіздері және жобаны әзірлеу, оны қорғау, тиімді коммуникациялар, практикалық аналитика, стратегиялық менеджмент және көшбасшылық және т.б. дағдыларын меңгеріп, мемлекеттік басқару жүйесі, әдеп кодексі бойынша практикалық сабақтар өтіп, мемлекеттік қызмет саласындағы кейстерді талдайды деп жоспарлануда.
Оқыту курстары Қазақстан Республикасы Президентінің жанындағы Мемлекеттік басқару академиясы филиалының профессор-оқытушылар құрамын, практик мамандар — мемлекеттік қызметшілерді тарту арқылы жүргізіледі.
Оқыту 2024 жылдың 15-19 қаңтары аралығында өтеді. Сондай ақ, «Тұран» университетінің базасында 1 күндік көшпелі сабақ өткізілу жоспарлануда.
Мемлекеттік қызмет істері агенттігінің
Алматы қаласы бойынша департаментінің
Мемлекеттік қызмет саласындағы
бақылау басқармасының бас маманы
А.А. Тасов
